By Bolqarıstanda prezident və vitse-prezident vəzifələrinə namizədləri müəyyənləşdirmək məqsədilə səsverməyə start verilib. Təxminən 6,5 milyon seçicinin iştirak hüququna malik olduğu seçkilərdə 27 namizəd cütlüyü mübarizə aparır.
Xəbəraxını xəbər verir ki, xaricdə yaşayan Bolqarıstan vətəndaşlarının səsvermədə iştirakını təmin etmək üçün 60 ölkədə ümumilikdə 613 seçki məntəqəsi yaradılıb. Bolqarıstan diasporunun çoxluq təşkil etdiyi Türkiyədə 78, Böyük Britaniyada 82, Almaniyada isə 70 məntəqə fəaliyyət göstərir.
Səsvermə yerli vaxtla saat 07:00-da başlayıb və 20:00-dək davam edəcək. Zərurət yaranacağı təqdirdə seçki məntəqələri saat 21:00-dək açıq qala bilər.
Rəy sorğularının nəticələrinə əsasən, əsas rəqabət hazırkı prezident İlyana Yotova ilə keçmiş baş nazir Andrey Qyurov arasında gedir. Yotovaya 43,4 faiz, Qyurova isə 28,9 faiz dəstək ifadə olunduğu bildirilir.
Namizədlərdən heç biri ilk turda mütləq səs çoxluğu əldə edə bilməsə, prezident seçkilərinin taleyi noyabrın 1-də keçiriləcək ikinci turda həll olunacaq.
Baş nazir Rumen Radev də seçiciləri səsvermədə fəal iştirak etməyə çağırıb. O, dövlət idarəçiliyinin təcrübəsiz şəxslərə həvalə edilə bilməyəcəyini vurğulayaraq, sülh naminə İlyana Yotovaya səs verəcəklərini bəyan edib.
