By “Evdə tək 2”, “Rokki Horrorun film şousu” və “O” kimi ekran əsərlərindəki rolları ilə tanınan britaniyalı aktyor Tim Karri 80 yaşında dünyasını dəyişib.
Bu barədə aktyorun meneceri “Variety”yə məlumat verib. (Variety)
Məlumata görə, aktyor Los-Ancelesdə insultdan sonra vəfat edib. Son illərdə səhhətində yaranan problemlər səbəbindən əlil arabasından istifadə edən Karri uzun və uğurlu aktyorluq karyerası ilə yadda qalıb.
Tim Karrinin ən məşhur obrazları arasında “Rokki Horrorun film şousu”nda doktor Frenk-N-Ferter, 1990-cı ildə ekranlaşdırılan “O” mini-serialında Pennivayz və “Evdə tək 2” filmində hotel qapıçısı rolu yer alır.
Karri həmçinin televiziya, kino və teatr sahəsində çoxsaylı layihələrdə rol alıb və özünəməxsus aktyorluq üslubu ilə tanınıb.
