By Konqo Demokratik Respublikasında (KDR) Ebola qızdırmasından laboratoriyada təsdiqlənmiş ölüm hallarının sayı 3699-a çatıb.
Son 24 saat ərzində xəstəlikdən 23 nəfər ölüb, yoluxanların sayı isə 58 nəfər artaraq 7672-yə yüksəlib. Ölüm nisbəti 48,2 faiz təşkil edib.
Xəstəliyin əlamətləri olan 900-dən çox şəxs xəstəxanalarda və tibbi təcridxanalarda müalicə və müşahidə altındadır. Ölkənin 26 əyalətindən 7-si Ebola epidemiyasının təsirinə məruz qalıb.
Epidemiya mayın 15-də KDR və Uqandada başlayıb. Uqanda iyulun 28-də epidemiyanın başa çatdığını elan edib, Ümumdünya Səhiyyə Təşkilatı isə avqustun 25-də bunu təsdiqləyib.
Qeyd edək ki, ən böyük Ebola epidemiyası 2014–2016-cı illərdə Qərbi Afrikada baş verib. Həmin dövrdə Qvineya, Liberiya və Syerra-Leonedə 28 600-dən çox yoluxma qeydə alınıb, 11 mindən çox insan həyatını itirib. Ebola virusuna ilk yoluxma halı 1976-cı ildə indiki KDR ərazisində qeydə alınıb.
