By Azərbaycanda noyabr ayında işləyənləri bir neçə günlük istirahət gözləyir. Beşgünlük iş həftəsi ilə çalışanlar üçün ay ərzində ümumilikdə 11 gün qeyri-iş günü olacaq.
Xəbəraxını xəbər verir ki, bu barədə Əmək və Əhalinin Sosial Müdafiəsi Nazirliyinin 2026-cı il üzrə istehsalat təqvimində məlumat verilib.
Belə ki, noyabrın 8-də Zəfər Günü, noyabrın 9-da isə Dövlət Bayrağı Günü qeyd olunur. Bu il noyabrın 8-i bazar gününə təsadüf etdiyindən, Əmək Məcəlləsinə uyğun olaraq noyabrın 10-u da istirahət günü olacaq.
Beləliklə, beşgünlük iş həftəsi ilə çalışanlar üçün noyabrın 7-dən 10-dək ardıcıl dörd gün qeyri-iş günü olacaq.
Altıgünlük iş həftəsi ilə çalışanlar üçün isə noyabr ayında ümumilikdə 7 qeyri-iş günü nəzərdə tutulub.
Qeyd edək ki, istirahət günlərinin sayı iş rejimindən asılı olaraq dəyişir. Buna görə də işçilərə öz iş qrafiklərini nəzərə almaları tövsiyə olunur.
