By Azərbaycan Respublikası Ali Məhkəməsi Plenumunun növbəti iclasında cəzaların icrası, məhkəmə təcrübəsi və bir sıra təşkilati məsələlər müzakirə olunub. İclasda bir neçə qərar layihəsi qəbul edilib.
Xəbəraxını xəbər verir ki, iclasda “Cəzadan şərti olaraq vaxtından əvvəl azad etmə, cəzanın çəkilməmiş hissəsini daha yüngül cəza növü ilə əvəz etmə, cəzaçəkmə müəssisəsinin növünün dəyişdirilməsi və xəstəliyə görə cəzanı çəkməkdən azad etmə ilə bağlı məhkəmə təcrübəsi haqqında” qərar layihəsi səsverməyə çıxarılaraq qəbul edilib.
Plenumun bəzi əvvəlki qərarlarına dəyişiklik edilməsini nəzərdə tutan digər layihə də müzakirələrdən sonra təsdiqlənib.
İclasda, həmçinin 2025-ci il və 2026-cı ilin ilk altı ayı ərzində Sumqayıt İnzibati Məhkəməsində qanunvericiliyin tətbiqi, məhkəmə təcrübəsi və ədalət mühakiməsinin həyata keçirilməsinin vəziyyəti barədə məlumatlar dinlənilib.
Bundan başqa, Vəkillərin İxtisas Komissiyasının hakim olan üzvlərinin təyin edilməsi ilə bağlı Ali Məhkəmə Plenumunun 16 yanvar 2023-cü il tarixli, 4 nömrəli qərarına dəyişiklik edilməsi məsələsinə baxılıb.
İclasın sonunda Ali Məhkəmənin Elmi-məsləhət şurasının tərkibində dəyişiklik edilməsi də müzakirə olunub və bununla bağlı müvafiq qərar qəbul edilib.
