By Lerik rayonunda narkotik vasitələrin qanunsuz dövriyyəsinə qarşı keçirilən əməliyyat zamanı 15 kiloqramdan artıq narkotik vasitə aşkarlanıb.
Əməliyyat Lerik Rayon Polis Şöbəsinin əməkdaşları tərəfindən həyata keçirilib. Tədbir zamanı 30 yaşlı Murtuz Məmmədli saxlanılıb və onun üzərindən ümumilikdə 15 kiloqramdan çox narkotik vasitə götürülüb.
Araşdırma zamanı müəyyən edilib ki, saxlanılan şəxs narkotik vasitələri xaricdə yaşayan narkotacirdən əldə edib. Onun həmin maddələri maddi qazanc müqabilində əvvəlcədən müəyyənləşdirilmiş ünvanlara çatdırmaq barədə razılaşdığı bildirilib.
Faktla bağlı cinayət işi başlanılıb. Saxlanılan şəxs barəsində həbs qətimkan tədbiri seçilib.
Hazırda araşdırma davam etdirilir.
