“Real Madrid” Arda Gülərlə müqaviləni uzadacaq

“Real Madrid” Türkiyə millisinin üzvü Arda Gülərlə yeni müqavilə imzalamağa hazırlaşır.

Tərəflərin yeni sözləşmənin şərtləri ilə bağlı razılığa gəldiyi bildirilir. Razılaşmaya əsasən, 21 yaşlı yarımmüdafiəçinin 2029-cu ilin yayında başa çatacaq müqaviləsi daha iki il müddətinə uzadılacaq.

Yeni müqavilə ilə Arda Gülərin maaşının da əhəmiyyətli dərəcədə artırılacağı qeyd olunur.

Arda Gülər 2023-cü ilin yayında “Fənərbağça”dan “Real Madrid”ə transfer olunub.