By İtaliyanın şimalında helikopterin qəzaya uğraması nəticəsində iki nəfər həyatını itirib. “Quotidiano Piemontese” nəşrinin məlumatına görə, hadisə Verbano-Kuzio-Ossola əyalətində, süni Kampliçoli gölünün yaxınlığında baş verib. Qəza zamanı helikopterdə iki nəfərin olduğu bildirilib. Onların hər ikisi hadisə nəticəsində həlak olub. Məlumata əsasən, ölənlər 60 yaşlı kişi və 63 yaşlı qadındır.
Qəzanın başvermə səbəbləri ilə bağlı araşdırma aparılır.
