By Formula 1 üzrə Azərbaycan Qran-Prisinin keçirilməsi ilə əlaqədar bu gündən Bakıda 5 ümumi təhsil müəssisəsində tədris distant formada təşkil olunur.
Bu barədə Bakı Şəhəri üzrə Təhsil İdarəsi məlumat yayıb.
Bildirilib ki, Bakı Şəhər Halqasının əhatə etdiyi prospekt və küçələrdə sentyabrın 22-dən 27-dək nəqliyyatın hərəkətinə məhdudiyyətlərin tətbiq ediləcəyini nəzərə alaraq, bəzi məktəblərdə tədrisin məsafədən təşkili qərara alınıb.
Belə ki, Tofiq İsmayılov adına 6 nömrəli lisey, Kərim Kərimov adına 8 nömrəli tam orta ümumtəhsil məktəbi, Tahir Həsənov adına 23 nömrəli tam orta ümumtəhsil məktəbi, 132-134 nömrəli lisey və İlyas Əfəndiyev adına Elitar gimnaziyada sentyabrın 22-dən 26-dək dərslər distant formada keçiriləcək.
Qeyd edək ki, Formula 1 Azərbaycan Qran-Prisi ilə əlaqədar Bakının müəyyən ərazilərində nəqliyyatın hərəkətinə məhdudiyyətlər tətbiq olunur.
