By Sabah paytaxt və Abşeron yarımadasında hava şəraitinin dəyişkən buludlu olacağı, bəzi vaxtlarda buludların artacağı gözlənilir. Gün ərzində əsasən yağmursuz hava şəraiti müşahidə edilsə də, bəzi ərazilərdə fasilələrlə yağış yağacağı proqnozlaşdırılır.
Yarımadanın ayrı-ayrı hissələrində yağıntının qısamüddətli leysan xarakteri daşıyacağı və şimşək çaxacağı ehtimal olunur. Küləyin istiqaməti də dəyişəcək: mülayim cənub-qərb küləyi gündüz saatlarında güclü şimal-qərb küləyi ilə əvəzlənəcək.
Bakıda gecə temperaturu 20-23°, gündüz 28-32°, axşam isə 26° isti olacaq. Atmosfer təzyiqinin 753 millimetr civə sütunundan 758 millimetr civə sütununa yüksələcəyi, nisbi rütubətin isə 60-70 faiz təşkil edəcəyi bildirilir.
Ölkə rayonlarında da bəzi yerlərdə fasilələrlə yağış yağacağı gözlənilir. Ayrı-ayrı ərazilərdə yağışın intensiv və leysan xarakterli olacağı, şimşək çaxacağı və dolu düşəcəyi ehtimal edilir. Axşam saatlarında yağıntıların güclənəcəyi, yüksək dağlıq ərazilərdə isə qar yağacağı proqnozlaşdırılır.
Gecə və səhər bəzi dağlıq ərazilərdə duman müşahidə oluna bilər. Qərb küləyinin ayrı-ayrı yerlərdə arabir güclənəcəyi gözlənilir.
Rayonlarda havanın temperaturu gecə 18-23°, gündüz 30-34° isti olacaq. Dağlıq ərazilərdə isə gecə 12-17°, gündüz 18-23° isti proqnozlaşdırılır.
