By Azərbaycan və Ermənistan nümayəndələri TRIPP layihəsi çərçivəsində elektrik ötürücü xətlərinin qurulması ilə bağlı məsələləri müzakirə ediblər. Görüş zamanı layihənin enerji infrastrukturu ilə bağlı texniki məsələlər nəzərdən keçirilib.
Xəbəraxını xəbər verir ki, Azərbaycan Nazirlər Kabinetinin məlumatına əsasən, oktyabrın 8-də Ermənistanın Gorus şəhərində iki ölkənin aidiyyəti qurumlarının nümayəndələri arasında texniki görüş keçirilib. Tərəflər elektrik xətlərinin çəkilməsi ilə bağlı məsələlər ətrafında fikir mübadiləsi aparıblar.
Görüşdə işlərin əlaqələndirilməsi və növbəti mərhələdə atılmalı addımlar da müzakirə olunub. Tərəflər TRIPP çərçivəsində enerji infrastrukturu üzrə texniki əməkdaşlığın davam etdirilməsinin vacibliyini nəzərdən keçiriblər.
Qeyd edək ki, TRIPP layihəsi çərçivəsində Azərbaycan ərazisinin Naxçıvanla əlaqələndirilməsi ilə yanaşı, regionda enerji və digər infrastruktur bağlantılarının inkişaf etdirilməsi də nəzərdə tutulur. Azərbaycan Prezidenti İlham Əliyev daha əvvəl Azərbaycanın əsas hissəsindən Ermənistan ərazisi vasitəsilə Naxçıvana elektrik xətlərinin çəkilməsi ilə bağlı layihənin hazır olduğunu bildirib.
