By Azərbaycan və Ermənistanın xarici işlər nazirləri – Ceyhun Bayramov və Ararat Mirzoyan arasında bu ay Nyu-York şəhərində görüş baş tutacaq. Bu barədə Ermənistanın XİN rəhbəri “Azadlıq” radiosunun sualını cavablandırarkən məlumat verib.
“Görüş BMT Baş Assambleyasının sessiyası çərçivəsində keçiriləcək”, – deyə görüşün gündəliyi barədə təfərrüatı açıqlamayan Mirzoyan qeyd edib.
Qeyd edək ki, sentyabrın 8-də Nyu-Yorkda BMT Baş Assambleyasının 81-ci sessiyası öz işinə başlayıb.
İki ölkənin xarici siyasət idarələrinin rəhbərləri arasında sonuncu görüş sentyabrın əvvəlində Bişkekdə – Şanxay Əməkdaşlıq Təşkilatının sammiti çərçivəsində keçirilmişdi. Həmin görüşdən sonra Bayramov Mirzoyanla bir sıra məsələlər ətrafında fikir mübadiləsi apardıqlarını və yaxın müddətdə yenidən bir araya gələcəklərini bəyan etmişdi.
