By Azərbaycanda müxtəlif bölgələrdə yerləşən 8 təhsil müəssisəsində təmir işlərinin aparılması nəzərdə tutulur.
Təmir layihələrinin İmişli, Neftçala, Kürdəmir, Şirvan, Beyləqan, Mingəçevir və Yevlaxı əhatə edəcəyi bildirilir. Bu məqsədlə 4 milyon 562 min 459 manat vəsaitin xərclənəcəyi gözlənilir.
Təmir olunacaq təhsil müəssisələri bunlardır:
- İmişli rayonunun Xəlfəli kəndində Qabil Mərdəliyev adına tam orta məktəb;
- Neftçala rayonunun Qədimkənd kəndində S. Kərimov adına tam orta məktəb;
- Neftçala şəhərində N. Gəncəvi adına 3 nömrəli tam orta məktəb;
- Kürdəmir rayonunun Xınıslı kəndində A. Məmmədov adına tam orta məktəb;
- Şirvan şəhərində Məftun Osmanov adına 20 nömrəli tam orta məktəb;
- Beyləqan Peşə Məktəbi;
- Mingəçevir şəhərində 7 nömrəli tam orta məktəb;
- Yevlax şəhərində 3 nömrəli tam orta məktəb.
