By İran İslam İnqilabı Keşikçiləri Korpusu (SEPAH) ABŞ Silahlı Qüvvələrinə məxsus iki hərbi gəmiyə ballistik raketlərlə zərbə endirildiyini açıqlayıb.
Bu barədə İran Dövlət Televiziyası SEPAH-ın yaydığı bəyanata istinadən məlumat yayıb.
Bəyanatda bildirilib ki, SEPAH-ın Hərbi Hava-Kosmik Qüvvələrinin keçirdiyi əməliyyat çərçivəsində ABŞ Hərbi Dəniz Qüvvələrinə məxsus “DDG-119” və “DDG-53” esminesləri ballistik raketlərlə hədəfə alınıb.
Məlumata görə, sözügedən hərbi gəmilər qanadlı raketlər və “Aegis” hücumdan müdafiə sistemi ilə təchiz olunub.
SEPAH-ın açıqlamasında qeyd olunub ki, raket zərbələri nəticəsində ABŞ-a məxsus hərbi gəmilərə ciddi ziyan dəyib.
Qeyd edək ki, son günlər İran və ABŞ arasında hərbi qarşıdurma yenidən kəskinləşib. Reuters-in məlumatına görə, SEPAH ABŞ Hərbi Dəniz Qüvvələrinin gəmilərinə qarşı ballistik raketlərdən istifadə etdiyini açıqlayıb, ABŞ tərəfi isə gəmilərin hücumların qarşısını aldığını bildirib
